越南為咗防止疫情擴散，喺2020年4月1日零時起實施15日嘅「社會隔離」政策進行居家隔離，每個家庭、村莊、社區、省嘅人都必需要留喺屋企，避免不必要嘅外出。其間令大部份嘅小型企業關閉，好多人因為隔離令失去工作，三餐不繼。
越南胡志明市企業家黃俊英（音譯）於是發明「白米ATM」，廿四小時地為弱勢失業市民提供免費白米。佢利用自身技術專長，發明「白米ATM」，機器為街頭小販或清潔人員等失業人士提供免費白米，只要排隊按下白米ATM的按扭，每次就可以領取一袋重1.5公斤嘅米，而每部 ATM 嘅背後其實都設置咗一個小型嘅穀倉，作為白米貨源提供嘅地方。
據越南官方媒體報導，首都河內、順化、峴港等嘅大城市都有類似嘅「白米ATM」。為咗令到每個人都可以拎到米，白米ATM 24小時開放，而發起人更訂咗100部白米ATM，希望越南每個地方既人都可以拎到米，維持日常需要！
除咗越南，近日印尼政府都設立白米ATM，援助受到武漢肺炎嚴重影響既國民，希望所有人都可以早日渡過疫症難關！
