各位社創見習搜查官準備好未？
除咗透過消費認識社創，
有冇諗過參加工作坊，
直接接觸唔同群體？
呢個夏天同我哋一齊探索社企，
睇吓大家咩料啦！（免費參與㗎！）
第一個搜查：手雕麻雀工作坊
時間：11:00 - 13:00
日期：2022年5月21日（六）
地點：豐盛社企學會（土瓜灣）
不論喺科技未普及定係科技發達嘅呢刻，麻雀對於大部分香港人嚟講都係無可取代嘅活動。只可惜我哋所接觸到嘅麻雀都係由機器量產，越嚟越少人接觸到手雕麻雀呢門藝術。喺80年代，香港極流行手雕麻雀，用料上乘兼客製化，自然獲得大眾喜好。
搜查秘密1：最容易同最難雕嘅麻雀係？
社創秘密搜查第一次任務就邀請咗手雕麻雀師傅張順景師傅，向各位見習搜查官講解同示範手雕麻雀技巧，畀大家親身嘗試手雕麻雀！名額有限（15個），立即同朋友報名啦！
第二個搜查：一小時報復式泰拳運動班
時間：16:30 - 17:30
日期：2022年6月11日（六）
地點：Battalion 拳館
疫情期間好耐冇做運動，心肺功能差咗就一定，日日屈喺屋企心情都大受影響。但到球場開返，又未諗到玩咩運動郁吓？不如試吓呢個「一小時報復式泰拳運動班」，重拾好身體、好心情？
社創秘密搜查第二次任務就帶大家去Battalion 拳館同大家伸展筋骨，名額10個，先到先得，立即報名啦！
搜查秘密2：精英 vs 邊青？
精英社是全港唯一泰拳社企，以自負盈虧的形式，訓練年青人成為專業的泰拳運動教練，並擁有頂尖的拳師和泰拳選手駐館指導一同訓練，不管是初學者還是進階程度的夥伴都歡迎，一同感受泰拳的魅力。
第三個搜查：手沖咖啡及DIY天然磨砂膏工作坊
時間：11:00 - 12:30
日期：2022年6月25日（六）
地點：金鐘愛烘培餐廳
根據非正式統計，無論男定女都會有一個關於咖啡嘅夢－成為咖啡師、學識拉花、開一間咖啡店等等等，依家就有個機會畀你入門認識咖啡！與此同時，仲可以同殘疾人士學吓嘢，將最香嘅廚餘變身成為天然磨砂膏！
搜查秘密3：天然磨砂膏可以用咩整？
社創秘密搜查第三次任務就帶大家去iBakery位於金鐘嘅餐廳，由專業咖啡師帶領， 並由殘疾人士擔任助教，參加者可以認識各式各樣嘅咖啡豆， 感受佢哋嘅形態、香氣同質感。完成理論學習之後就可以親手沖咖啡，而殘疾人士將會化身為環保大使， 教參加者用咖啡渣整天然磨砂膏。名額15個，先到先得，立即報名啦！
iBakery是東華三院屬下的一間社會企業。透過訓練及聘用殘障人士，為大眾提供食得安心和健康的美食。iBakery亦有自家的烘焙工場、麵包店、曲奇專賣店、餐廳、輕食站，大家不妨去光顧支持！
第四個搜查：
從Web2到Web3，設計你的未來工作坊
時間：19:30 - 21:00
日期：2022年7月18日（一）
地點：豐盛社企學會（土瓜灣）
成日都聽身邊嘅人講NFT、Hot Wallet、Cold Wallet，唔知大家又有冇聽過Web 2 同 Web 3呢？其實佢哋同NFT、 metaverse、元宇宙等等嘅概念其實都好類似，而未來職場上都會更需要呢啲人才 ！
搜查秘密4：你嘅未來點同Web3結合？
既然呢啲會係未來嘅大趨勢，咁我哋又可以點樣裝備好自己，應付嚟緊嘅機會同挑戰呢？社創秘密搜查第四次任務探索Futurist Lab， 一齊由史丹福大學嘅設計思維 入手，講解點樣運用科技為自己制定生涯規劃。各位學生立即報名啦！
Futurist Lab致力解決弱勢青年因缺乏人脈、機會與經驗，而導致就業貧窮的問題。透過商、社、民的跨界別協作，為弱勢青年提供具頂尖商界質素的一站式及個人化就業支援及培訓服務，教導青年建立及擴展人脈及社會資本，並了解未來工作生涯發展，開拓未來就業模式。
暫告一段落－敬請期待下期秘密搜查官 ٩(^ᴗ^)۶
參加方法
-
追蹤社創校園 Instagram @sense.hk
-
Like 你想參加嘅活動介紹 Post
-
填寫以下嘅報名表
-
名額有限，先到先得
*社創校園將會在工作坊舉辦一星期前通過 IG direct message 及 Email 通知參加者，敬請留意！